藝人消息
不一樣的爸爸 林嘉華為獨子移民加國
昔日「開心少女組」成員何佩兒，96年毅然同香港嘅攝影指導吳匡華結婚，仲移民去咗加拿大，佢就轉職做咗家庭主婦，老公就要做咗「太空人」，為養家香港加拿大兩邊走，原來以往都有好多藝人也曾過着「太空人」嘅生活。好似林嘉華，佢1989年為咗劉寶珍所生嘅獨生子，決定移民到加拿大，目的就係令囝囝有個美好嘅生活環境。多年嚟都過住太空人生活，直到囝囝大學畢業，佢先回流返港。
- 資料來源: 蘋果日報 -
林嘉華返港好艷福老婆𥄫實
林嘉華和太太劉寶珍昨日到香港視覺藝術中心，參觀著名聽障藝術家高楠作品展。嘉華今次返港會逗留兩個多月，主力演出舞台劇《嬉春酒店2016》和拍網劇，太太亦伴隨在港。
嘉華估計下周才可以綵排，他和詹瑞文最多對手戲。問到劇中與很多香艷女性合作，嘉華笑言：「我都好有艷福，一拖四女，係父女嗰種，起碼親熱四次先有四個女啦。」嘉華現年28歲的兒子林政峰在加拿大生活，無意加入娛樂圈，他說：「佢大個仔啦，出嚟工作幾年，我諗阿仔唔大興趣，佢現時做緊時裝設計相關工作，又幫時裝雜誌寫文，鍾意影相同創作，唔覺佢對幕前有興趣。」
- 資料來源: 蘋果日報 -
林嘉華禁27歲獨子入娛圈
啲星二代係咁湧住入娛樂圈，真係成條人龍咁，包括石修個仔陳宇琛、黃日華個女黃芷晴、秦沛個仔姜文杰、趙雅芝個仔黃愷杰，近排一早跟住父母移民加國嘅林嘉華獨子林政鋒又俾娛樂圈啲星探𥄫中，唔停遊説林嘉華個仔入娛樂圈，佢居然彈自己個仔唔夠靚仔，所以唔適宜入娛樂圈噃！
其實林嘉華個仔林政鋒一啲都唔醜樣，仲有幾分書卷味㖭，佢仲喺媽咪個肚度，就俾父母帶咗去加拿大，因為林嘉華想個仔喺更好嘅環境長大，今年佢個仔都26歲啦！靚仔斯文，仲好樣過老豆。
「佢對做幕前冇乜興趣呀！」林嘉華猛話個仔冇興趣，有線問過嘉華幾次，佢都係咁講，咁香港又少一個靚仔星二代喺幕前發展啦！
- 資料來源: 蘋果日報 -
